|
| 2009年4月3日 昨天收到電話叫我今日去interview, 係一間電腦公司, jobad入面寫係幫tdc做fair, 所以先諗住去睇下。 上到去先知原來約左11點, 但我12點先去到。仲好啦, 可以自己一個in, 最怕見到其他temp staff。 in完之後3個鐘, 收到佢地電話, 話請我做full time, 本來無諗過想做的公司, 點知會要左我....咩世界呀!! 下星期一開工.....本來諗住4月會無野做, 點知突然間話有長工... | | |
| 2009年4月2日 返左2日booth assistant, 呢個係CMP ASIA的FASHION ACCESS, 多謝有人REFER....幫左間TURKISH的皮革公司做, 佢地有4個男人, 加埋我, 5個人就做了呢個EVENT。原來佢地都幾勁, 係TURKY NO 1的皮革公司, 仲拎左大會個The Best Fashion Leather Award.....做到呢間公司都幾開心.....人工都唔差啦。第一次做BA, 之前搵人返BA就多, 親身做真係未試過。唔係想像中咁易, 因為個客俾得錢你, 你就要幫人睇檔, 仲要幫手SELL野, 衰在我未接觸過皮革產品, 真係唔識點幫佢地SELL野, 咩皮咩皮....幾多錢一SQ FEET。不過呢2日都學到唔少野, 識得點去睇邊D係靚皮, 點分牛皮、羊皮....。都幾開心啦。 會展擴建部份, 之前ATRIUM ONE開返, 好靚呀, 回想返YR 1時去HKCEC參觀行過, 之後已經封了, 3年後再行感覺已經唔同了....。 收工後去左搵隻豬傾下計.... 今日係世界搵朋友日????點解咁多朋友都會今日搵我GA, 一個接一個...都應付唔晒....咁多位,SORRY 夜晚竟然係MK又見到隻豬同WAI.....俾人識供....>_< | | |
| 2009年3月31日 珠寶展完了近3星期了, 一齊回覆平靜, 眼見身邊的朋友都開始有OFFER了, 恭喜晒....都唔知黎緊4月會點算.... 3月, IN左幾份工, 都無下文, 唔緊要。 開始讀工聯會的event planner的課程, 12堂。當初諗住報呢個COURSE, 以為自己讀呢一科出身, 應該唔難呀....點知....用中文, 仲要簡體字.....讀的內容都係環繞內地的展會, 同我呢幾年所做過的有好大分別....完全唔同玩法....仲為到報唔報個大陸試諗左好耐, 果個咩野國家崗位考試, 考完原來只可以合資格地在大陸搵會展的工作, 但唔代表D咩....所以到最後都係無報, 只係考返工聯個EXAM算了。 3月仲做左英文補習老師, 幫人報A LEVEL的英文, 希望呢位學生乖乖地, 肯聽話做EXERCISE啦.....我都係想為你好GA!!! | | |
| 2009年3月4-8日 (TDC 珠寶展) 對上一次寫, 係2月中。 今次就將成個3月重溫一次 2月已接到KELLY的珠寶展呢個JOB, 就開始打仗了。到左3月頭, 所有野都埋位啦。但心中有一種感覺, 覺得同以前所做的, STYLE上有好大的出入, 都會怕有大件事發生。 BRIEFING當日, 同事病了, 竟然由我頂上係2百幾人面前講BRIEFING, 諗返以前, 呢個工序應該由以前老細負責, 今次竟然係我講, 好彩自己都熟悉, 總算講完, 雖然聽到D人訓晒覺......(原來我把聲係無TONE的, 單一個音, 悶死人啦) FAIR入面, 我要多謝身邊幾位朋友, 因為真的不夠人手, 連朋友都搵埋出黎, 多謝KELVIN, CHERRY, DEREK, 你地的POST都真係好重要。 今次可以原班人馬, 同FASHION WEEK成班同事一齊, 仲多左4位新CO OR一齊合作, 另外要多謝一位朋友, 我明白到佢真的很辛苦, 因為佢唔習慣呢個POST。 完FAIR後, 成班人8號晚去左打邊爐, 食到11點幾, 仲要去左LKF飲野。第一次去呢D地方, 俾成班同事大迫供.....不過都好開心。或者大家合作左2個幾星期, 見同事仲多過見家人, 大家做野好一條心, 完左FAIR之後仲要唱K、打牌、BBQ....如果以後KEEP住一段時間有一個活動搞下就好啦。但我唔明點解成日都要 X爆人地個宇宙呢... | | |
| 2009年, 第一次打xanga 對上一次都係去年生日, 但都係咩都無打過的 今年, 一開始就有一份temp job, 做左十幾日, 搵左 3千幾....幾時先可以唔使過呢d日子呢 之後, 又過了大半個月, 呢大半個月雖然無工開, 不過日日都為到你的大日子忙碌。真的想了很久, 之前試過很多, 但都做唔到, 最後好彩都整到一樣似樣少少的禮物俾你, 希望你會鐘意啦 1月尾, 同朋友去了3日大陸, 我知道呢3日對其他朋友來說, 我係突出來的, 3pair人多左我一個, 不過起碼我覺得大家都氣氛都未至於太差, 多謝你俾我一齊去 2月頭, 為左朋友的生日搞左好多野出黎, 去左海洋公園, 2年幾無去過啦。日頭都仲幾開心, 夜晚又係自己多事, 問d唔應該問的問題...又出事了。 朋友去旅行, 6-7日咁耐, 一定好好玩啦。我都好耐無出過去lu. 2月中, 又開始返工, 返到3月中...唔知到時又會點呢.....驚驚 | | |
|
